torsdag 18. oktober 2018

Sal av frø hausten 2018



Frøa er hausta frå eigen hage og tørka og rensa etter beste evne :-) Alle er oppgitt med botaniske namn, så er du i tvil om korleis du skal så dei så finn du mange gode råd og tips på nettet. Nokre tips har eg lagt ut lenke til. 

Korleis du legg inn bestilling finn du nederst i innlegget. Det er ikkje alle sortane eg har så mange frø av, så først til mølla :-) Så lenge anna ikkje er nemt så er alle staudar og vil som regel blomstre året etter dei er sådd.

Komplett frøliste og korleis bestille finn du i nederst på sida.

Pris kr 20,- pr pose. Porto på kr 15,- kjem i tillegg pr forsendelse.
Porto inntil 20 gr = 15-20 poser.

Porto kr 48,- for luftløk og bulbiller av kvitløken frå Romania.


STAUDAR, KLEMATIS OG LITT ANNA.





Aconitum septentrion 'Ivorine' - Hjelm 
Blomstrar frå juni til august. Omlag 50 cm høg. For deg som er glad i kvite staudar :-) Godt likt av humlene. H8



Agastache rugosa, Koreansk Anisisop
Blomstrar frå juni til september. God duft og stor humlemagnet. Omlag 80 - 90 cm høg. H5



Allium cernuum - prærieløk.
Flott blomsterrik allium. Kjem trufast igjen år etter år. Ein av mine favorittar. Blomstrar frå juni - september. Omlag 30 - 40 cm høg. H 4-5. Danner etterkvart store tuer. Kan også brukast som matplante.

Allium lilla
Denne har eg dessverre ikkje bilde av og heller ikkje namn, men den er ikkje så ulik den du ser her. Omlag 1 meter høg. Er usikker, men det det vil nok gå eit par år etter såing før den blomstrar.





Allium vineale 'Hair' Strandløk
Flott løkplante som frørsår seg sjølv om du ikkje tar bort frøstandane etter blomstring. Her får den så seg fritt :-) Blomstrar mai - juni. Omlag 50 cm høg.



Aquilegia 'Heidi' - Akeleie TOMT
Dette er den einaste akeleia eg har som eg er sikker på er frøekte. Blomstrar lengre enn dei andre og har også større blomster. Flott akeleie som etterkvart danner ei stor tue. H8






















Aquilegia mix 
Eventyrblanding av akeleier i alle slags fargar, enkle og fylte. Akeleier er notorisk utro så det er umulig å vite om dei blir lik morplanta. Dette er ein frømiks av dei eg har. Her, her og her finn du bilete av dei ulike variantane. Det kan også vere at det dukkar opp heilt andre kombinasjoner. Akeleier er aldri kjedelige å så! H8



Armeria hybrida - Fjørekoll
Flott staude som også passer i steinbed. Dannar etterkvar små tette tuer. Omlag 40 - 50 cm høg. Flott rosa farge. Blomstrar frå juli til oktober.



Astrantia major rosa - stjerneskjerm. 
Blomstrar frå juni - september. Omlag 60 cm høg. Lys rosa/lilla med det same den blomstrar. Lekker staude som har blitt ein av mine favorittar. Humlemagnet. H7-8



Centaurea montana - Honningknoppurt
Nøysom staude som blomstrar i juni - august. Omlag 70 cm høg. Kutter du den ned etter første blomstring vil den mest sannsynleg blomstre også seinare på sommaren. Har pryda norske hager sidan 1800-talet. Vakker blå farge og duftar godt. Godt likt av humlene. H8



Clematis alpina 'Ruby' - alpeklematis.
Vakker blomsterrik alpeklematis. Blomstrar om våren. Gruppe 1 klematis som ikkje treng beskjering.  Eg fleire av desse som klatrar på ei armeringsmatte for å skjerme for innsyn. Etter avblomstring pyntar frøstendene opp. Dei ser ut som grå dusker. H7.
Her finn du såtips.



Clematis alpina - blå alpeklematis. 
Blomstrar tidleg vår. H7




Clematis macropetala 'Large Hybrids'
Flott klematis som eg har sådd sjølv. Slett ikkje vanskeleg å få til å spire. Eg sådde den inne, spirte etter 3 veker. Kan også stratifiserast. Blomstrar på våren. Eg er usikker på om den er frøekte, men av dei eg sådde fekk eg fleste kvite og ein blå.



Dahlia (Georginer)
Dahlia er for meg den optimale sommerblomst. Eg sår i februar og dei startar som regel blomstringa i slutten av juni. Spirar lett og vil i løpet av sommaren danne knollar. Desse må inn då Dahlia ikkje er vinterherdige. Høgd frå 50 - 110 cm. Fargar i rosa, kvit, raud, gul og orange. Dei er ikkje frøekte så kun poser med fargeblanding.




Delphinium x cultorum 'Centurion Rose' - ridderspore
Lekker ridderspore som blir omlag 150 cm høg. Enda flottare enn på bilete :-) Blomstrar i juli - august. H7. Eg er usikker på kor frøekte dei ulike riddersporane er, men eg trur ikkje dei vil bli så ulik morplanta. 




Delphinium mix- ridderspore
Miks av blå riddersporer. H7




Delphinium elatum 'Misty Mauve'
Lekker blålilla farge. H7. Godt likt av humler.




Diantus barbatus nigrescens 'Sooty' - busknellik TOMT
Lekker nellik som blomstrar i juli - august. Omlag 40 cm høg. 2-årig, men oppfører seg som ei staude då den her hos meg blomstrar kvart år. H6




Digitalis purpurea lilla - Revebjelle
Revebjeller er to-årige, men frørsår seg så du vil ha den i årevis. Lett å luke bort der du ikkje vil ha dei. Eit must i den romantiske bestemorshagen og ein skikkeleg humlemagnet! H8



Digitalis purpurea rosa - Revebjelle
To-årig


Digitalis purpurea kvit - Revebjelle
To-årig



Dodecatheon meadia - Gudeblom
Lekker lita staude. Omlag 60 cm høg. Blomstrar i mai-juni. H7



Echinops ritro - kuletistel TOMT
Juli - september. Omlag 100 cm høg. Flott staude og ein humle- og sommerfuglmagnet. Dei blå kulene er veldig dekorative i staudebedet.




Erigeron borealis - Bakkestjerne
Lita staude som trives i steinbedet. Omlag 10-20 cm høg. Blomstrar i juni-juli. H8




Eryngium bourgatii - Pyrenestikle
Stikler er flotte staudar som eg får meir og meir sansen for. Den blå blomstra svevar på lange tynne blå stenglar over dei fleste andre staudane i bedet. Blomstrar lenge, frå juli til slutten av september. Omlag 120 cm høg.



Geum coccineum 'Borisii' - Prakthumleblom
Blomstrar i mai - juni. Omlag 30 - 50 cm høg. Danner etterkvart store tuer som med fordel kan delast. Ein fargeklatt i bedet. H8



















Hebe topiaria
Nydeleg liten vintergrøn busk som blir omlag 20 - 30 cm høg. Blomstrar i juni - juli. Usikker på kor herdig den er. Denne har eg hatt sidan 2009 og den har overlevd eit par skikkeleg hard vintre. Eg bor i sone H3. Det vil nok ta nokre år etter sådd før den blomstrar, men med si kulerunde vekstform er den like flott utan blomstrar.



Hemerocallis lilioasphodelus - gul daglilje.
God gamal og nøysom staude. Juni - juli. Omlag 80 cm høg. Her finn du tips til korleis så dagliljer. Usikker på på kor lang tid det tar før den blomstrar.




Hosta mix
Hosta er ikkje frøekte. Dei fleste plantane vil bli grøne, men ein og annan skatt vil dukke opp. Kanskje ein heilt ny variant som du kan kalle opp att etter deg sjølv :-)
H7-8



Iris pseudacorus -  sverdlilje. 
Blomstrar i juni - juli. Danner kraftige tuer med tett bladverk. Trives overalt i hagen. Omlag120 cm. H8. Ver obs på at alle irisane ikkje blomstrar før 2 - 3 år etter dei er sådd.




Iris sibirica. 
Blomstrar i juni - juli. 120 cm høg. Slanke lekre blad. H8






Iris sibirica 'Snow Queen'
Flott kvit Iris som blir omlag 60 cm høg. Blomstrar i juni-juli. H7



















Kolkwitzia amabilis - fagerbusk. 
Lettstelt og nøysom. Blomstrar overveldande i juni med rosa blomstrar. H4-5 Høgde 2-3 meter. Trives også i halvskygge. Overhengande og elegant vekst. Har du ikkje sådd busker eller tre før bør du prøve fagerbusk. Enkel å få til. Eg sådde dei inne om våren. Spiring etter 14 dager. Legg frøa i vatn i eitt døgn. Her finn du meir info.



Lathyrus latifolius - Breiskolm (staudeblomsterert)
Staudevarianten av blomsterert. Nydeleg sart rosa farge. Kjem igjen år etter år og ser ut til å tole det meste av både tørke og regn. Blomstrar lenge, frå juni til september. Omlag 200-250 cm høg. Må bindes opp. Dufter dessverre ikkje, men fin til snitt. H7. 
Såtips: Legg frøa i eit vått papir og pakk inn i plast med litt lufting. Pass på så dei ikkje tørkar ut. Når dei spirar flytt dei forsiktig over i ei potte. Pass på så du ikkje knekk dei små spirane. Kan også såast direkte i potte inne. Spirar etter ca 10 dagar.



Lavandula angustifolia - Lavendel
Det er ikkje berre roser som kler lavendel. Den er vakker saman med det meste. Duftar nydeleg og blomstrar frå juli til ut i august. Omlag 40 cm høg. H4




Leontopodium alpinum - Edelweiss 
Juni - august. Omlag 10 - 20 cm høg. Alpeplante som er herdig i heile Norge. Her finn du meir info. Flott i samplanting med bla Heuchera (alunrot) Held seg fin heile sesongen. H8
























Lilium martagon rosa- Krøllilje
Juni - juli. Herdig over heile landet. Omlag 100-150 cm høg. Det vil ta nokre år etter såing før den blomster, men den som venter på noko god, ventar ikkje forgjeves :-) Billeg måte å skaffe seg mange martagonliljer på.



Lunaria annua - Judaspenge
Blomstrar i juni-juli. To-årig. Første året danner den ein rosett og blomstrar året etter. Frørsår seg så du vil ha den i hagen år etter år. Danner dekorative sølvfarga frøstander. Omlag 70 cm høg. H7. Har dessverre ikkje bilde, men du finn den her






Lychnis coronaria - fløyelstjæreblomst.
Flott to-årig staude som frøsår seg sjølv i hagen. Enkel å luke bort. Første året dannar den ein rosett og blomstrar året etter. Flott sølvgrått bladverk som er lekkert i samplanting med andre staudar. Mest vanleg i rosa, men den kvite varianten er minst like flott. Blomstrar juni - september. Omlag 70 - 80 cm høg. H7



Lythrum salicaria 'Rosy Gem' - Strandkatthale
Flott rosalilla staude. Blomstrar i juli - august. Omlag 80 - 90 cm høg. Lettstelt og salttolerant. H6



Meconopsis 'Lingholm' - Valmuesøster TOMT
Kanskje den blåaste av dei blå valmuesøstrane som finst. 120 cm høg. Mai - juni.  H8




Meconopsis betonicifolia 'Hensol Violet' - Valmuesøster
Den vakraste av søstrene og min absolutte favoritt. Nydeleg lilla farge, blomstrar i juni - juli. Omlag 90 cm høg. Danner etterkvart ei stor tue. H8.



Monarda didyma 'Cambrigde Scarlet' Hestemynte TOMT
Blomstrar frå juli - september. Omlag 80 cm høg. Hestemynte er ein skikkeleg humlemagnet. Blada kan brukast til te, og blomster og blad i salat. Duftar nydeleg. H6



Monarda didyma lilla hestemynte. 
Nydeleg lilla farge. Denne blomstrar litt seinare enn den raude. Duftar nydeleg og er omsverma av humler til langt ut på hausten. Blomstrar ofte til frosten kjem. Kan også brukast til te og salat. H6




Papaver orientale 'Coral Reef'
Lekker rosa orientvalmue. Blomstrar i juni - juli. Omlag 80 cm høg. H7




Papaver orientale 'Prinzessin Victoria Louise' TOMT
Blomstrar i juni - juli. Omlag 80 cm høg. H7




Papaver lateritium 'Flore Plena'
Søt liten valmue som blomstrar lenge. Frå juni til langt ut i oktober. Frørsår seg ein del, men er enkel å luke. 40 - 50 cm høg. H7





























Podophyllum hexandrum - Himalayafotblad.
Vil du ha noko litt uvanleg er dette ei artig staude som ein ikkje ofte finn i handelen. Først kjem den med blomster, så kjem blada som er flikete med mørke flekker og på hausten får den store raude frukt fulle av frø. Skuggetolerant. Her får du meir informasjon og såtips. Blomstrar i mai - juni. Enkel å så.








Primula polyanthus mix
Ingen vår utan Primula. Blomstrar frå februar/mars til langt ut i juni. Kan også kome med eit lite blomsterflor seint på hausten. Her hos meg også i desember. Frømiks av desse som er avbilda samt lilla og mørk gul.



Pulsatilla vulgaris - Kubjelle 
Flott staude som er ein av dei første som blomstrar om våren. Omlag 20 cm høg. Blomstrar i april - mai. H7



Pulsatilla vulgaris alba - Kubjelle 
Også lekker som kvit. April - mai. 20 cm. H7





Pulsatilla vulgaris 'Rubra' - Kubjelle TOMT
'Rubra' er den raude varianten av kubjelle. Flott den også :-) April - mai. 20 cm. H7






Rhodochiton atrosanguineus - blodbeger TOMT
Er det ei plante eg berre MÅ ha så er det blodbeger. Bør sås tidleg på året skal den rekke å blomstre i løpet av sommaren. Blomstra til frosten kjem. Må overvintre frostfritt. Her ser du korleis eg sår blodbeger



Saxifraga urbium variegata - Skyggesildre
Skyggesildre med variegerte blad. Blomstar i mai-juni. Flott i samplanting med Hosta. Omlag 20 cm høg. Danner rosette som sprer seg sakte utover. Enkel å dele og passer godt som kantplante. Usikker på herdigheit, men trur den toler det meste.




Saxifraga x arendsii-hybrid - Hagesildre
Søt lita staude som blomstrar i mai - juni. Dannar tette tuer og blir omlag 20 cm høg. H6-7




Stachys grandiflora - prydsvinerot. 
God gamal staude, men ikkje mindre flott av den grunn. Vi etterkvart danne ei stor tue. Blomstrar i juni - august, ca 50 cm høg. H7



Thalictrum aquilegifolium - akeleifrøstjerne
Vakker staude som svevar over dei fleste andre plantane i bedet. Ein av mine favorittar. Omlag 150 cm høg. H8



Thalictrum aquilegifolium 'Alba' - akeleifrøstjerne
Den er minst like vakker i kvitt.


Trollius europaeus - Ballblom TOMT
God gamal staude som blimstrar i mai - juni. Omlag 60 - 70 cm høg.



Trollius ircuticus - Sibirballblom
Litt annaleis ballblom med opne blomstrar. Lekker gul/orange farge. Blomstrar i juni - juli. Omlag 70 cm høg. H 6-7



Verbena bonariensis - kjempeverbena.
Nydeleg staude som vaier elegant over dei andre staudane i bedet. Trives også god i potter. Blomstrar til frosten kjem. Ca 150 cm høg. Må overvintre frostfritt! Humlemagnet. Ein av mine favorittar. For fleire bilder sjå her




Viscaria vulgaris 'Splendens Feuer' - tjæreblom
Eit blikkfang i bedet. Flott rosa farge. Blomstrar i mai - juli. Omlag 40 cm høg.


DIVERSE TIL KJØKKENHAGEN

Luftløk TOMT


Luftløk er reine kinderegget. Både toppløk, stengelen og løkane kan etast. Eit "must" i kjøkkenhagen. Her i artikkelen "Luftløk - populær og hardfør" kan du lese meir om denne flotte grønsaka. Hardfør. NB: Porto for luftløk kr 48,- TOMT



Sånn ser luftløken ut på hausten. Her ser ein godt kvifor den har fått namnet luftløk. Stenglane vil etterkvart bøye seg ned så løkane kjem i kontakt med jorda.


Kvitløk

Dyrking av kvitløk er slett ikkje vanskeleg og berre det å vite at den er kortreist og kjem frå eigen hage gjer at den smakar betre. Eg har hausta inn bulbiller/frø av 4 ulike sortar. Estisk Rød, kvitløk frå Romania, Pskem og ein sort frå Russland, også kjent som kvitløken frå fengselet i Valdres.  

Her på bloggen Datsja kan du lese den fantastiske historia om den Russiske kvitløken. Alle sortane er hardneck. Første året vil dei bli som små kinesiske kvitløk og det vil nok ta 2 -3 år før dei dannar fedd. Her kan du lese meir om ulike kvitløksortar.




Frå eg for nokre år sidan var så heldig å få tak i 6 fedd er eg no sjølvforsynt med kvitløk heile året. Har ein først fått tak i god setteløk er den vel verd å ta vare på.



Bulbiller av Pskem, Estisk Rød og russisk kvitløk.
Estisk Rød og russisk kvitløk TOMT



Bulbiller av kvitløken frå Romania. TOMT
NB: Porto for rumensk kvitløk kr 48,- då bulbillane er ein del større enn frå dei andre kvitløksortane.


DIVERSE URTER OG GRØNSAKER




Allium fistulosum - Vårløk
Visste du at vårløk kjem igjen år etter år? Om du berre haustar inn stilkane vil ha den i mange år. Allereie i april kjem den med nye friske skot og du kan haust inn langt etter at frosten har komt. Eg har tatt inn vårløk midt på vinteren. (Bilete er tatt i slutten av april)



Brassica oleracea 'Scarlet' - Grønkål
Den raude varianten av grønkål, men like sunn. I moderate mengder god i salat og veldi dekorativ. Veldig god i supper og du kan også lage pesto eller supersunn chips. På nettet finn du mange gode oppskrifter.




Brassica rapa ssp. chinensis - Pak Choy
Miks av ulike sortar Pak Choy. Kan bli ulik dei på bilete. God i rå salat, flott i wok og mykje anna. Trives med kjøleg forhold og toler litt frost. Denne må eg så kvart år.




Brassica rapa var. japonica - Mizunakål
Veldig god salat. Sprø og med mild smak. Lett å dyrke og veks fort. Ein favoritt. Kan også dyrkast innandørs heile året.





Diplotaxis tenuifolia - Vill ruccola
(ser litt pjusk ut, men bilete er tatt i slutten av april)
Fleirårig ruccolasalat med kraftfull og krydra smak. Danner rosetter og du kan hauste fleire gonger i sesongen. Hardfør. 





Levisticum officinale - Løpstikke (kjærleiksurt)
Fleirårig urt som kan bli 1 - 2 meter høg. Kraftig smak, kan brukast i staden for buljong. Eit must i kjøkkenhagen. Ypparleg til urtesalt. For meir info sjå her


Eg har også frø av kinesisk grasløk som smaker svakt av kvitløk, kjørvel og ein miks av asiasalat. (Sjå frøliste nedst i innlegget)


CHILI OG TOMAT

Chili dyrkar eg i drivhuset, men det går godt an ut i ein lun solvegg eller inne på stua. Eg brukar 10 liters potter, men det går fint an å dyrke i mindre potter også. Då vil planta blir mindre og det same gjeld som regel frukta.
Chili er dekorative plantar og i passande store potter er det ikkje noko i vegen for å ha dei i vinduskarmen. Chili treng langt tid på å utvikle frukt og eg sår dei tidleg i januar og aler dei opp på eit planterom med tilleggslys.



Capsicum chinense 'Carolina Reaper'
For den vågale? Står oppført i Guiness rekordbok som verdens sterkaste chili noko eg tvilar på kan stemme, men utan tvil den sterkaste eg har. Litt over over middels stor frukt. Oppgitt til 2 200 000 SHU. Bruk hanskar!



Capsicum annuum 'Pimientos de Padron'
Denne skal haustast inn grøn, men blir etterkvart raud og då litt sterkare. Mild i smak, berre litt sterkare enn paprika når den er grøn. Store frukt.



Capsicum baccatum 'Lemon Drop'
Ein av mine favorittar. Middels store frukt. 
Både duft og smak har preg av sitrus. SHU 30 000 - 50 000



Capsicum annuum 'Black&Red'
Dette var ein "raritet" som dukka opp i drivhuset frå frø eg haust av eigne plantar og som eg har sett eige namn på. Usikker på kva det er krysning av, men det kan vere Filius Blue og Orange Wonder, begge annuum som viste seg ikkje å vere frøekte.

Dekorativ plante med frukt som utviklar seg frå grønt til svart og til slutt raudt. Blir sterkare etterkvart så her har du ein chili med to ulike styrkar og du kan hauste etter smak og behag. Middels sterk, små frukt og stor avling.




Capsicum chinense 'Scotch Bonnet Red'
Store frukt med god styrke. Stor avling.



Capsicum chinense 'Habanero Orange'
Stor frukt og stor avling. Middels styrke.



Capsicum baccatum 'Aji White Fantasy'
Artig fasong :-) og store frukt. Mild 5000 - 10 000 SHU. Blir først kvit og går over til lys gul når den er moden.


TOMAT


Hundreds &Thousands TOMT
Cherrytomat med overhengande vekst og passar godt i ein stor ampel. Små søte tomatar som passar godt som snacks og i salaten. 



Millefleur
Bildet yter ikkje denne tomaten rettferdigheit, men var det einaste eg fann. Produserer store mengder små gulorange cherrytomatar. Deilig og søt på smak og flotte i salaten. Må knipast, men ein kan med fordel la den få to hovedstammer. Ein favoritt.




Moneymaker TOMT
Middels stor ranketomat som eg kallar "pappas favoritt" Får mange tomatar med søt og god smak. Må knipast. Har dyrka denne i mange år og kjem til å fortsette med det.




Grushovka
Busktomat med kjempestore tomatar og stor avling. Stammer frå Russland og egnar seg godt på friland. Til og med her på våte Sunnmøre får eg modne tomatar. Etter mi meining kanskje ikkje den som smakar aller best, men egnar seg godt til supper og sausar.

For bestilling gå inn på Kristins Hage&Drivhus og send meg ein PM. Om du ikkje er det frå før så blir eg glad om du legg deg deg til som "liker", :-)

Her viser eg korleis eg sår staudar. Det meste av frøa eg sel kan såast på denne måten.


-->
DIVERSE FRØ AV STAUDAR, KLEMATIS OG BUSKER ANT FRØ PRIS
Aconitum septentrion 'Ivorine' - Hjelm 10 20,-
Agastache rugosa - Koreansk anisisop 50 20,-
Allium cernuum - Prærieløk 20 20,-
Allium lilla 10 20,-
Allium vinale 'Hair' - Strandløk 6 20,-
Aquilegia 'Heidi' - Akeleie TOMT 50 20,-
Aquilegia mix Akeleie 100 20,-
Armeria hybrida - Fjørkoll 50 20,-
Astrantia major  - Stjerneskjerm 30 20,-
Centaurea montana - Honningknoppurt 30 20,-
Clematis 'Ruby' - Alpeklematis 20 20,-
Clematis alpina - Alpeklematis 20 20,-
Clematis macropetala 'Large Hybrids' - Klematis
Dahlia
20
40
20,-
20,-
Delphinium blå mix - Ridderspore 20 20,-
Delphinium elatum 'Misty Mauve' - Ridderspore 20 20,-
Delphinium x cultorum 'Centurion Rose' - Ridderspore 20 20,-
Dianthus barbatus nigrescens 'Sooty' - Busknellik TOMT 50 20,-
Digitalis purpurea kvit - Revebjelle 100 20,-
Digitalis purpurea lilla - Revebjelle 100 20,-
Digitalis purpurea rosa - Revebjelle 100 20,-
Dodecatheon meadia - Gudeblom 30 20,-
Echinops ritro blå - Kuletistel TOMT 15 20,-
Erigeron borealis - Bakkestjerne 30 20,-
Eryngium bourgatii - Pyrenestikle 30 20,-
Geum coccineum 'Borisii' - Prakthumleblom 50 20,-
Hebe topiaria 50 20,-
Hemerocallis lilioasphodelus - Daglilje 10 20,-
Hosta mix 15 20,-
Iris pseudacorus - Sverdlilje 10 20,-
Iris sibirica - sibiriris 10 20,-
Iris sibirica 'Snow Queen' Iris 10 20,-
Kolkwitzia amabilis - Fagerbusk  6 20,-
Lathyrus latifolius - Breiskolm blomsterert staude 10 20,-
Lavandula angustifolia - Lavendel 30 20,-
Leontopodium alpinum - Edelweiss 50 20,-
Lilium martagon rosa 15 20,-
Lunaria annua - Judaspenge 10 20,-
Lychnis coronaria kvit - Fløyelstjæreblomst 100 20,-
Lychnis coronaria rosa - Fløyelstjæreblomst 100 20,-
Lythrum salicaria 'Rosy Gem' Strandkatthale 50 20,-
Meconopsis - 'Lingholm' TOMT 50 20,-
Meconopsis betonicifolia 'Hensol Violet' - Valmuesøster 50 20,-
Monarda didyma - Hestemynte lilla 10 20,-
Monarda didyma 'Cambrigde Scarlet' Hestemynte TOMT 10 20,-
Papaver lateritium 'Flore Plena' - Valmue 100 20,-
Papaver orientale 'Coral Reef' - Valmue 50 20,-
Papaver orientale 'Prinzessin Victoria Louise' TOMT 50 20,-
Podophyllum hexandrum - Himalayafotblad 6 20,-
Primula polyanthus mix - Primula 50 20,-
Pulsatilla vulgaris 'Ruby - Kubjelle 20 20,-
Pulsatilla vulgaris alba - Kubjelle 20 20,-
Pulsatilla vulgaris lilla - Kubjelle TOMT 20 20,-
Rhodochiton atrosanguineum - Blodbeger TOMT 30 20,-
Saxifraga urbium variegata - Skyggesildre 100 20,-
Saxifraga x arendsii-hybrid - Hagesildre 100 20,-
Stachys grandiflora - Prydsvinerot 15 20,-
Thalictrum aquilegifolium 'Alba' - Akeleiefrøstjerne 20 20,-
Thalictrum aquilegifolium lilla - Akeleiefrøstjerne 20 20,-
Trollius europaeus - Ballblom TOMT 30 20,-
Trollius ircuticus - Sibirballblom 30 20,-
Verbena bonariensis 'Buena' - Kjempeverbena 30 20,-
Viscaria vulgaris 'Splendens Feuer' - Tjæreblom 100 20,-
CHILI OG TOMAT ANT FRØ
Capsicum annuum 'Black&Red' 6 20,-
Capsicum annuum 'Pimientos de Padron' 6 20,-
Capsicum baccatum 'Aji White Fantasy' 6 20,-
Capsicum baccatum 'Lemon Drop' 6 20,-
Capsicum chinense 'Carolina Reaper' 6 20,-
Capsicum chinense 'Habanero Orange' 6 20,-
Capsicum chinense 'Scotch Bonnet Red' 6 20,-
Solanum lycopersicum 'Hundreds & Thousands’TOMT 6 20,-
Solanum lycopersicum 'Millefleur' 6 20,-
Solanum lycopersicum 'Monymaker' TOMT 6 20,-
Solanum lycopersicum 'Grushovka'' 6 20,-
6 20,-
GRØNSAKER, URTER OG KVITLØK
Allium × proliferum - Luftløk TOMT 5 20,-
Allium fistulosum - Vårløk 50 20,-
Allium tuberosum - Kinesisk grasløk 20 20,-
Anthriscus cerefolium - Kjørvel 50 20,-
Brassica juncea var. rugosa - Asiasalat mix 50 20,-
Brassica oleracea 'Scarlet' - Raud Grønkål 50 20,-
Brassica rapa ssp. chinensis. - Pak Choy mix 50 20,-
Brassica rapa var. japonica - Mizunakål 50 20,-
Diplotaxis tenuifolia - Vill ruccola 100 20,-
Levisticum officinale - Løpstikke 30 20,-
Kvitløk frå Romania TOMT 10 20,-
Kvitløk Estisk Rød TOMT 20 20,-
Kvitløk frå Russland TOMT 20 20,-
Kvitløk Pskem 20 20,-


Du finn meg også på Instagram


Her finn du flotte hagegrupper som er verd å ta ein tur innom:
og

om du vil kjøpe eller selge frø
og



søndag 29. oktober 2017

Tomat- og chilifrø til sals

Chili dyrkar eg i drivhuset, men det går godt an ut i ein lun solvegg eller inne på stua. Eg brukar 10 liters potter, men det går fint an å dyrke i mindre potter også. Då vil planta blir mindre og det same gjeld som regel frukta.
Chili er dekorative plantar og i passande store potter er det ikkje noko i vegen for å ha dei i vinduskarmen. Chili treng langt tid på å utvikle frukt og eg sår dei tidleg i januar og aler dei opp på eit planterom med tilleggslys.

Pris kr 20, pr pose med 6 frø. Porto på kr 15,- kjem i tillegg pr forsendelse.


For bestilling gå inn på Kristins Hage&Drivhus og send PM


CHILI


Capsicum chinense 'Carolina Reaper'
For den vågale? Står oppført i Guiness rekordbok som verdens sterkaste chili noko eg tvilar på kan stemme, men utan tvil den sterkaste eg har. Litt over over middels stor frukt. Bar godt med frukt. Oppgitt til 2 200 000 SHU. Bruk hanskar!




Capsicum annuum 'Pimientos de Padron'
Denne skal haustast inn grøn, men blir etterkvart raud og då litt sterkare. Mild i smak, berre litt sterkare enn paprika når den er grøn. Store frukt og middels avling.



Capsicum baccatum 'Lemon Drop'
Ein av mine favorittar. Middels store frukt og relativt stor avling. Både duft og smak har preg av sitrus. SHU 30 000 - 50 000



Capsicum annuum 'Black&Red'
Dette var ein "raritet" som dukka opp i drivhuset frå frø eg haust av eigne plantar og som eg har sett eige namn på. Usikker på kva det er krysning av, men det kan vere Filius Blue og Orange Wonder, begge annuum som viste seg ikkje å vere frøekte.
Dekorativ plante med frukt som utviklar seg frå grønt til svart og til slutt raudt. Blir sterkare etterkvart så her har du ein chili med to ulike styrkar og du kan hauste etter smak og behag. Middels sterk, små frukt og stor avling.


Capsicum chinense 'Scotch Bonnet Red'
Store frukt med god styrke. Stor avling.

TOMAT



Millefleur
Bildet yter ikkje denne tomaten rettferdigheit, men var det einaste eg fann. Produserer store mengder små gulorange cherrytomatar. Deilig og søt på smak og flotte i salaten. Må knipast, men ein kan med fordel la den få to hovedstammer. Ein favoritt.






Grushovka
Busktomat med kjempestore tomatar og stor avling. Stammer frå Russland og egnar seg godt på friland. Til og med her på våte Sunnmøre fekk eg modne tomatar i sommar. Etter mi meining kanskje ikkje den som smakar aller best, men egnar seg godt til supper og sausar. Skal garantert så denne neste år også.



Hundreds &Thousands 
Cherrytomat med overhengande vekst og passar godt i ein stor ampel. Små søte tomatar som passar godt som snacks og i salaten. 




Moneymaker
Middels stor ranketomat som eg kallar "pappas favoritt" Får mange tomatar med søt og god smak. Må knipast. Har dyrka denne i mange år og kjem til å fortsette med det.




Har også ein del anna for sal

Staudar, klematis, urter og grønsaker mm

og

Luftløk og frø/bulbiller av kvitløk godt egna for norske forhold


Besøk meg gjerne på facebook. Her legg du også inn bestilling
og på 








fredag 24. mars 2017

Litt om hærmygg

Like visst som eg leitar fram såpotter og jord for å starte sesongen dukkar (Sciaridae ssp) hærmyggen opp. Hærmygg eller sørgemygg som den også kallast, er ein ivrig krabat og til stor irritasjon der den svirrar rundt såpottene. Sjølve myggen gjer inga skade, men dei små kvite larvane som blir klekt i jorda livnærar seg på røtene til spirane, og i verste fall tek dei knekken på heile sådden.

(bildet lånt frå nettet)

Larvane til hærmyggen kjem med jorda, og er så små at ein ikkje legg merke til dei før den første myggen dukkar opp. Uansett kor eg prøvar så blir eg ikkje heilt kvitt dei, men eg klarar å halde dei på eit nivå både eg og småspirane fint kan leve med.




Metodar som eg har prøvd og som garantert ikkje hjelp

Rødvin og Zalo - mot hærmygg vil eg kalle denne metoden for alkoholmisbruk. Virker på bananfluger, men garantert ikkje på hærmygg. Det hjelp mykje betre å drikke den, dog utan Zalo.



Stikke fyrstikker i jorda - muleg at svovel kan vere effektivt, men då må det vere svovel i fyrstikker. Det er det ikkje, det er mange år sidan det vart produsert fyrstikker i Norge som inneheld svovel.

Metode som eg har prøvd og aldri prøvar igjen - men som kanskje hjelp

Vatne med ei blanding av vatn og litt salmiakk. Denne "vidunderkuren" tok livet av samtlige tomatplantar, fekk halvparten av blada på chiliane til å ramle av og resten av sådden gjekk i sjokk og nekta å vekse på 14 dagar. Myggen overlevde!
Kan vere eg gjorde noko feil, brukte 1ts på ein liter. På godt etablerte plantar er det sikker verd eit forsøk.

Metodar som eg ikkje har prøvd - men som visstnok skal fungere.

Strø eller vatne med maurmiddel. Dette stoffet har eg lita lyst til å strø på plantar som eg skal bruke til mat. Derfor uprøvd. Kan vere eg vil ty til det i "kampens hete" men då kun på blomster og ikkje på matplantar.

NemaFelt - nematoder som ein blandar ut i vatn. Dette er ferskvare og må brukast innan ei viss tid. Er å få kjøpt på Arctic Chili

Korleis eg gjer det.

Første bod for å halde hærmyggen i sjakk er passe på at jorda ikkje blir for våt. Eg vatnar frå undersida og let dei tørke godt ut mellom kvar vatning. Dette er også godt for røtene då dei vil søke nedover etter vatn og dermed blir sterkare.

Heng opp flugepapir som eg kjøpar på Jernia. Ikkje spesielt lekkert, men det er er med på å halde antallet nede.

Slå dei ihjel. Lite effektivt, men god trim!

Det vart kanskje ikkje så mange gode råd på korleis ein blir kvitt hærmygg, men ein del veldig gode råd på kva som ikkje hjelp :-) LYKKE TIL!


For fleire "gode" råd og tips, følg meg gjerne på Facebook og Instagram


tirsdag 20. desember 2016

Chili - fargerik, hot og godt!

I år tok det litt av med dyrking av chili. Kanskje ikkje når eg samaliknar meg med dei argaste fantastane, men no har eg chili så det held langt ut i det nye året.
Eg tenkte at neste sesong så skal eg begrense meg, men det det ser heller ut til at det går andre vegen. I tillegg til det eg dyrka forrige sesong har eg også planer om å prøve meg på nokre nye sortar.




Kjekt med drivhus når ein dyrkar chili. Sunnmørske somrar er ikkje det ideelle klimaet for denne varmeelskande frukta. I fjor starta eg å så allereie i slutten av november, men denne sesongen har eg planar om å så i romjula. Chili har lang utviklingstid.


Her har eg hausta inn ein del av chilien, men framleis er det mykje igjen i drivhuset. Styrken på desse chiliane kan ikkje samanliknast med den ein får kjøpt på dei lokale butikkane her i bygda.



























Her er Capsicum chinense 'Red Habanero', 'Chocolate Habanero' og 'Habalokia Yellow'


Capsicum annuum 'Red Long Slim Cayenne' og 'Orange Wonder'



I oktober er det slutt på sesonge, og eg haustar eg inn dei siste chiliane. Av avlinga lager eg krydder, marmelade som er kjempegodt på ost og kjeks, chiliolje og chilipaste. Chili kan også frysast.



Chilikrydder

















        Chilimarmelade, chiliolje og chilipaste

Har du lyst til å prøve deg på å dyrke chili, eller vil du prøve deg på nye sortar så har eg billege frø for sal. Det er 10 frø i kvar pakke, og om du ikkje sår alle denne sesongen så er det ikkje noko i vegen for at du kan spare resten til neste år. Berre oppbevar dei kjøleg.

HER finn du omtale og bilder av dei sortane eg har. 

Følg meg gjerne på Facebook og på Instagram



fredag 2. desember 2016

Korleis så staudar ute

Det å så sine eigne staudar er både billeg og slett ikkje så vanskeleg så mange vil tru. Det fins forskjellege måtar og gjere det på og her vil eg vise korleis ein stratifiserer (kuldebehandlar) staudar.




Fordelen med å sette staudane ut er mange, du slepp å ha planterom med ekstra lys, dei klarar seg som regel sjølv, ein slepp herding til utemiljø og plantane blir sterke og sunne. Som tommelfingerregel kan ein sei: Alle staudar kan ein kuldebehandle og nokre må ha kuldebehandling for at spireprossen skal starte.
Kuldebehandling betyr ikkje at frø må ha minusgrader, men at temperaturen er lav og vekslande.

Har du inga eller liten erfaring med å så? Ta turen innom  HER. Der finn du ei detaljert forklaring på korleis ein sår og priklar. Framgangsmåten er den same som om ein sår og driv dei opp inne eller ute.

Aller først, ein staude er ei plante som visnar ned om vinteren og kjem igjen år etter år. Det er berre eit fåtal staudar som vil blomstre første året dei blir sådde. Som regel blomstrar dei ikkje før andre året. Med nokre kan det også ta fleire år.

Dei fleste staudane vi har i Norge overlever vinteren ute, nokre så som Rhodochiton atrosanguineus - blodbeger og Verbena bonariensis må takast inn og overvintre frostfritt.

Eg sår som regel tidleg i januar. La jorda vere godt fuktig men ikkje kliss blaut. Pottene lar eg stå inne i eit par dagar så frøa får trekke vatn. Så sett eg sett dei ut på ein plass med god drenering. Eg sett pottene i kasser som tidlegare har vore brukt til sopp eller trådkorger er også godt egna. Legg noko under så dei kjem opp frå bakken. Over pottene legg eg ein duk (markduk) for at frøa ikkje skal bli skylt bort av ver og vind. La dei gjerne snø ned.

Når vårsola kjem er det på tide å lette på duken for å sjå etter tegn på liv. Om ein ikkje fjernar den tidsnok kan spirane bli lange og slengete på grunn av for lite lys og for høg temperatur under duken. Om det likevel skulle skje, så fortvil ikkje, dei vil som regel kome til hektane igjen.
No er det berre å fjerne duken og etter kvart som temperaturen stig og lyset kjem tilbake vil dei spire. Pass berre på så dei ikkje tørkar ut i vårsola. Er du plaga med sniglar så sørg for å få dei opp frå bakken, småspirar er yndlingsretten til sniglane.




Er du av den utolmodige typen kan du ta pottene inn for å fart på spiringa. Ulempen med det er at du då helst må kunne tilby dei ekstra lys og du må herde dei til utemiljøet. Herding er å bere planter inn og ut, passe på så dei ikkje frys ihjel og at dei ikkje blir solbrent. Då vil dei i beste fall blir sterkt tilbakesett eller i verste fall stryke med. Då staudar sjeldan blomstrar same året er det liten hensikt i å lage seg så mykje ekstra arbeid.
Skulle det ikkje spire i alle pottene så ikkje la dei gå i komposten. La dei berre stå ute til neste vår, det kan vere at dei berre treng litt meir tid på seg.

Her finn du frøliste. 

Eller send PM til Kristins Hage&Drivhus. 


Følg meg gjerne på Facebook og på Instagram




tirsdag 15. november 2016

Korleis lykkast med å så Rhodochiton atrosanguineum - blodbeger

Blodbeger eller Rhodochiton atrosanguineum er ei praktfull slyngplante som eg berre må ha kvart år. Blodbeger er ikkje vinterherdig, men det er ikkje noko i vegen for å overvintre den inne. Eg har mine i eit oppvarma drivhus. Då dei er dyre i innkjøp og ikkje alltid like lett å få tak i, sår eg dei sjølv.




Som regel overlever dei fleste plantane, men litt svinn blir det likevel så eg sår nye kvart år av frø som eg haustar inn. Blodbeger har rykte på seg for å vere vanskeleg å få til å spire, men har du modne frø, litt tolmodegheit så er det ingen heksekunst. Dei veks også veldig seint så eg sår dei allereie mellom jul og nyttår. Her vil eg vise korleis eg gjer det trinn for trinn.





Ver sikker på at frøa er modne. Sånn skal frø og frøkapsler sjå ut når dei er spiredyktige. Kapslen skal vere brun og kjennes tørr ut. Når du opnar den dryss frøa ut. Om du haustar frå eigne planter så ikkje vent altfor lenge. Kapselen vil til slutt sprekke opp og frøa vil då drysse ut på bakken.






For best resultat brukar eg alltid såjord når eg sår. Du kan også bruke vanlig jord, men då er det ein fordel å blande i litt sand.
Først fyller eg potta med jord som har romtemperatur, vatnar og lar den stå ei stund så vatnet renn av. Strø så frøa på jorda, kor tett du strør er avhengig av kor kjekt du synes det er å prikle :-) Trykk dei forsiktig ned så dei kjem i god kontakt med jorda, dusj med ei sprayflaske.

Eg strør bittelitt jord på frøa, men pass på så du ikkje dekker dei for mykje. Det er betre med for lite jord enn for mykje. Om frøa er synleg opp på jorda gjer det ikkje noko. Dei vil spire likevel. Dekker du med for mykje jord kan du risikere at dei ikkje spirar i det heile, eller at det vil ta veldig lang tid.





Eg set dei til spiring under lysrøra på kjøkkenbenken. Lyset star på heile døgnet, ikkje fordi dei må ha lys på dette stadiet men for å gi ekstra varme. Varmekablane på golvet på badet er også eit alternativ.

Bruk gjerne eit minidrivhus, eller dekk potta med plast som du stikk hol i for lufting. Pass på at dei ikkje tørkar ut. Jorda skal vere fuktig, men ikkje kliss våt. Då vil frøa rotne.
Om dei ikkje spirar etter ca 8 - 9 dagar så prøv å sett dei varmare i eit døgn eller så. Eg flytter dei då inn på golvet badet. Ver tolmodig, det kan gå over 14 dagar før du ser første spiren.




Som ein ser så sår eg ganske tett og når den første spiren viser seg tar eg bort plasten og etter nokre dagar flytter eg dei ned på planterommet i kjellaren. Der har eg vanlege lysarmatur som heng i kjetting over plantebordet så eg kan flytte lyset opp etter kvart som dei små spirane veks.

Passe avstand frå lysrør til planter er ca 30 cm. Eg prøvar å halde temperature på ca 15 grader. Blir det for mørkt og for varmt vil du få lange svake spirar. Tommelfingerregelen er: Dess varmare det er, til meir lys treng dei. Dei veks veldig seint i starten, men etter nokre veker skyt dei plutseleg fart.


HER er ein tilsvarande bloggpost som også viser korleis eg priklar.


Følg meg gjerne på Facebook og Instagram



torsdag 22. september 2016

Kvitløk og luftløk til salgs 2017

Dyrking av kvitløk er slett ikkje vanskeleg og berre det å vite at den er kortreist og kjem frå eigen hage gjer at den smakar betre. Eg har hausta inn bulbiller/frø av 4 ulike sortar kvitløk, Estisk Rød, kvitløk frå Romania, Pskem og ein sort frå Russland, også kjent som kvitløken frå fengselet i Valdres.  Her på bloggen Datsja kan du lese den fantastiske historia om den Russiske kvitløken. Alle sortane er hardneck.
Her kan du lese meir om ulike kvitløksortar.

Eg har også nokre småløk av luftløk. Luftløk er fleirårig og både sjølve løken, småløkane og graset er etande. Graset kan brukast på same måten som ein brukar vårløk.



Frå eg for nokre år sidan var så heldig å få tak i 6 fedd er eg no sjølvforsynt med kvitløk heile året. Har ein først fått tak i god setteløk er det vel verd å ta godt vare på den, sjølv om det betyr at ein ikkje kan ete av den det første året. Kvar løk har ca 6 fedd, så året etter kunne eg hauste heile 36 kvitløk.

Kvitløk frå Romania




Kvitløken frå Romania dannar små løk av ulik størrelse. Til neste år vil den enten bli til ein større løk utan fedd, eller er du heldig kan du få ein liten kvitløk som du kan dele opp i fedd. Tek du vare på første avling kan du hauste inn til eige bruk året etter.

Pris kr 20,- for 10 småløk (av ulik størrelse). Porto kjem i tillegg*


Frå venstre russisk, Estisk Rød og rumensk kvitløk.

Estisk Rød og den russiske har løk meir på størrelse som frø. Eg er usikker på kor store desse vil vekse seg i løpet av ein sesong, men vil tru at det tek 2-3 år før dei danner fedd.






















Frø av Estisk Rød og russisk kvitløk. Pskem har same storleik som desse.

Pris kr 20,- for 20 småløk/frø (av ulik storleik) Porto kjem i tillegg*

Luftløk





Sånn ser luftløken ut på hausten. Her ser ein godt kvifor den har fått namnet luftløk. Stenglane vil etterkvart bøye seg ned så løkane kjem i kontakt med jorda.



Sånn ser sjølve løken ut etter at dei har stått i fleire år. Dei er på størrelse med sjarlottløk. Før om åra har eg berre hausta av bladverket, men no måtte dei delast. Nokre av dei skal tilbake i pallekarmen igjen, men dei fleste havner i gryta.



Luftløkane er litt større enn småløkane av den rumenske kvitløken og er også av ulik størrelse. Her i artikkelen "Luftløk - populær og hardfør" kan du lese meir om denne flotte grønsaken.


Pris kr 20,- for 5 småløk. Porto kjem i tillegg*

                  Er du interessert så gå inn på Kristins Hage&Drivhus og send meg ein PM.

*Porto kjem an på kor stor pakken blir. 
Kvitløk kr 15,- 
Luftløk kr 48,-

Har også en del anna for sal

Staudar, klematis, litt grønsaker og urter NB endre lenke!!!!


Du finn meg også på Instagram