fredag 24. mars 2017

Litt om hærmygg

Like visst som eg leitar fram såpotter og jord for å starte sesongen dukkar (Sciaridae ssp) hærmyggen opp. Hærmygg eller sørgemygg som den også kallast, er ein ivrig krabat og til stor irritasjon der den svirrar rundt såpottene. Sjølve myggen gjer inga skade, men dei små kvite larvane som blir klekt i jorda livnærar seg på røtene til spirane, og i verste fall tek dei knekken på heile sådden.

(bildet lånt frå nettet)

Larvane til hærmyggen kjem med jorda, og er så små at ein ikkje legg merke til dei før den første myggen dukkar opp. Uansett kor eg prøvar så blir eg ikkje heilt kvitt dei, men eg klarar å halde dei på eit nivå både eg og småspirane fint kan leve med.




Metodar som eg har prøvd og som garantert ikkje hjelp

Rødvin og Zalo - mot hærmygg vil eg kalle denne metoden for alkoholmisbruk. Virker på bananfluger, men garantert ikkje på hærmygg. Det hjelp mykje betre å drikke den, dog utan Zalo.



Stikke fyrstikker i jorda - muleg at svovel kan vere effektivt, men då må det vere svovel i fyrstikker. Det er det ikkje, det er mange år sidan det vart produsert fyrstikker i Norge som inneheld svovel.

Metode som eg har prøvd og aldri prøvar igjen - men som kanskje hjelp

Vatne med ei blanding av vatn og litt salmiakk. Denne "vidunderkuren" tok livet av samtlige tomatplantar, fekk halvparten av blada på chiliane til å ramle av og resten av sådden gjekk i sjokk og nekta å vekse på 14 dagar. Myggen overlevde!
Kan vere eg gjorde noko feil, brukte 1ts på ein liter. På godt etablerte plantar er det sikker verd eit forsøk.

Metodar som eg ikkje har prøvd - men som visstnok skal fungere.

Strø eller vatne med maurmiddel. Dette stoffet har eg lita lyst til å strø på plantar som eg skal bruke til mat. Derfor uprøvd. Kan vere eg vil ty til det i "kampens hete" men då kun på blomster og ikkje på matplantar.

NemaFelt - nematoder som ein blandar ut i vatn. Dette er ferskvare og må brukast innan ei viss tid. Er å få kjøpt på Arctic Chili

Korleis eg gjer det.

Første bod for å halde hærmyggen i sjakk er passe på at jorda ikkje blir for våt. Eg vatnar frå undersida og let dei tørke godt ut mellom kvar vatning. Dette er også godt for røtene då dei vil søke nedover etter vatn og dermed blir sterkare.

Heng opp flugepapir som eg kjøpar på Jernia. Ikkje spesielt lekkert, men det er er med på å halde antallet nede.

Slå dei ihjel. Lite effektivt, men god trim!

Det vart kanskje ikkje så mange gode råd på korleis ein blir kvitt hærmygg, men ein del veldig gode råd på kva som ikkje hjelp :-) LYKKE TIL!


For fleire "gode" råd og tips, følg meg gjerne på Facebook og Instagram


3 kommentarer:

  1. Greit å få vite at alle de fantastiske rådene ikke virker!
    Jeg klapper dem når jeg ser dem, og tyr til fluepapir om det blir for mange.
    God helg!

    SvarSlett
  2. To enkle tiltak som jeg selv har sett virker:
    1. En liten skvett Atamon (saftkonserveringsmiddel) i vannet holder soppveksten i jorda tilbake. Det er såvidt jeg vet muggsopp og lignende som tiltrekker seg og i stor grad gir næring til hærmyggen og ihvertfall til larvene, til de blir store og sultne nok til å gå løs på planterøtter. Med andre ord gunstig for småplantene. Giftstoffet her er ikke akkurat av det farligste slaget, tillatt i saft og syltetøy for eksempel. Men er du av den virkelig forsiktige typen, så prøv:
    2. Strø finmalt chilipepper på toppen av jorda. Dette skader ikke plantene, men ser ut til å holde flueaktiviteten nede. Fås kjøpt billig i store kvanta på innvandrerbutikker.

    Begge metodene fungerer bra også på infiserte stueplanter, der hærmyggen ofte lever opp til sitt navn til fulle. Der lønner det seg også å vaske potteskjulere og utsiden av plastpotter med klorin en gang i blant, men det bør nok de spirende "småbarna" spares for.

    (De helt gærne kan alltids spraye toppen av jordsmonnet med et mildt insektmiddel også en gang i blant, men slike stoffer bør man bare bruke når det er helt krise, etter min mening).
    Mvh, Pål i Blomsterdalen

    SvarSlett
  3. thank you for writing and publishing this article. this article is very interesting to read for me and very easy to understand and of course very useful

    SvarSlett